Ministerstva abarony Ukrainy: Biełaruś raźmiaściła na miažy z Ukrainaj draŭlanyja mulažy tankaŭ
Padraździaleńni Uzbrojenych siłaŭ Biełarusi raźmiaščajuć u pamiežnych z Ukrainaj rajonach draŭlanyja mulažy tankaŭ, kab prademanstravać svaju prysutnaść, paviedamiŭ pradstaŭnik Ministerstva abarony Ukrainy Alaksandr Matuzianik.
Fota ilustracyjnaje
«Z metaj praviadzieńnia mierapryjemstvaŭ apieratyŭnaj maskiroŭki i demanstracyi svajoj prysutnaści padraździaleńni Uzbrojenych siłaŭ Biełarusi raźmiaščajuć u pamiežnych z Ukrainaj rajonach draŭlanyja mulažy tankaŭ», — skazaŭ Matuzianik.
Pa jaho słovach, ciapier praciahvajecca pravierka bajavoj hatoŭnaści Uzbrojenych siłaŭ Biełarusi, papiarednie jana praciahniecca da 25 červienia. Akramia taho, zachoŭvajecca pahroza naniasieńnia z terytoryi Biełarusi rakietnych i avijacyjnych udaraŭ pa Ukrainie.
Akramia taho, Matuzianik dadaŭ, što da siami biełaruskich bataljonaŭ praciahvajuć vykonvać zadačy pa ŭzmacnieńni ŭkrainska-biełaruskaj miažy ŭ Bresckaj i Homielskaj abłaściach. Asnoŭnyja namahańni skancentravanyja na viadzieńni raźviedki, inžyniernym abstalavańni pazicyj i achovie dziaržmiažy. A da dziažurstva pryciahnutyja, pavodle jaho źviestak, vajskoŭcy terminovaj słužby.
