Kiraŭnik Łuhanskaj vobłaści dapuściŭ, što ŭkrainskija vojski mohuć pakinuć Lisičansk
Adstupleńnie ź piarednich pazicyj u apošnim bujnym horadzie Łuhanščyny, jaki zastajecca pad kantrolem Ukrainy, dazvolić paźbiehnuć akružeńnia, paviedamiŭ kiraŭnik Łuhanskaj abłvajenadministracyi Siarhiej Hajdaj.
Fota DSNS Ukrainy.
«Kab paźbiehnuć akružeńnia, naša kamandavańnie moža addać vojskam prykaz adstupić na novyja pazicyi, — skazaŭ Hajdaj u zvarocie. — Uvieś Lisičansk znachodzicca ŭ miežach dastupnaści ich ahniu. U horadzie vielmi niebiaśpiečna».
Jon taksama adznačyŭ, što naziemnaje złučeńnie z horadam pakul adkrytaje i evakuacyja cyvilnych hramadzian praciahvajecca, abvierhnuŭšy infarmacyju rasijskaj prapahandy pra toje, što nibyta horad akružany i adrezany ad zabieśpiačeńnia.
Lisičansk i Sievieradanieck źjaŭlajucca asnoŭnaj metaj rasijskaj vajennaj kampanii ŭ Danbasie i Rasija kinuła značnyja siły na hety napramak. U ofisie prezidenta Ukrainy zajavili, što bai ŭ hetym rehijonie ŭvachodziać u vyrašalnuju fazu.
