Znajści
Ałharytmičny łacinski varyjant
25.06.2022 / 10:30RusŁacBieł

Viarchoŭny sud ZŠA admianiŭ pastanovu, jakaja harantavała prava na abort. Bajden nazvaŭ rašeńnie «trahičnaj pamyłkaj», u bujnych haradach pačalisia pratesty

Viarchoŭny sud ZŠA admianiŭ pastanovu 50-hadovaj daŭniny, jakaja lehalizavała prava na aborty pa ŭsioj krainie. Chutčej za ŭsio heta pryviadzie da zabarony pieraryvańnia ciažarnaści ŭ štatach, jakimi kirujuć respublikancy.

U 1973 hodzie było pryniataje histaryčnaje rašeńnie ab zakonnaści abortaŭ, zhodna ź jakim prava na nieparušnaść pryvatnaha žyćcia ŭ adpaviednaści z Kanstytucyjaj ZŠA abaraniała mahčymaść žančyny spynić ciažarnaść.

Chryścijanskija kansiervatary i mnohija respublikancy daŭno vystupali za admienu hetaha rašeńnia, a Donald Tramp padčas vybarčaj kampanii 2016 hoda paabiacaŭ pryvieści svaich pryznačencaŭ u Viarchoŭny sud, jakija vykanajuć hetuju zadaču. Padčas znachodžańnia na pasadzie prezidenta, jon zmoh pryznačyć troch sudździaŭ, źmianiŭšy bałans na karyść kansiervataraŭ. Jak i čakałasia, usie jany prahałasavali ŭ za zabaronu abortaŭ.

Sud pryjšoŭ da vysnovy, što rašeńnie 1973 hoda było pamyłkovym, bo ŭ amierykanskaj kanstytucyi nie prapisanaje prava na aborty, takim čynam padtrymaŭšy zakon Misisipi, jaki zabaraniaje spyniać ciažarnaść paśla 15-ha tydnia.

Čakajecca, što heta rašeńnie budzie pryniataje ŭ pałovie štataŭ ZŠA i zakranie kala 36 miljonaŭ žančyn repraduktyŭnaha ŭzrostu.

Prezident ZŠA Džo Bajden raskrytykavaŭ rašeńnie Viarchoŭnaha suda i zaklikaŭ Kanhres zamacavać prava na abort na fiederalnym ŭzroŭni.

Bajden nazvaŭ rašeńnie suda «trahičnaj pamyłkaj», jakoje pierakuliła šali pravasudździa i pazbaviła žančyn fundamientalnych pravoŭ u ZŠA.

Paśla taho, jak stała viadoma pra admienu prava na abort, u bujnych haradach ZŠA pačalisia akcyi pratestu. Niekatoryja vylilisia va ŭžyvańnie ślezaciečnaha hazu i biesparadkaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031