Pašyrajuć terytoryju mohiłak «Lasnyja» ŭ Minsku, jaje chopić na 5 hadoŭ
U najbližejšyja dni adkryjecca novaja terytoryja mohiłak «Lasnyja» ŭ Minsku. Pra heta ahienctvu «Minsk-Naviny» paviedamiŭ dyrektar HP «Hardarbud» Siarhiej Panieŭ.
Pa infarmacyi ahienctva, novaja terytoryja raźličanaja na 25,9 tysiač pachavalnych miescaŭ. Plus — kałumbarnyja ścieny. Na najbližejšyja piać hadoŭ učastka chopić.
«Hardarbud» płanuje zabietanavać padjaznuju darohu i pa miery nieabchodnaści jašče pašyrać pahost. U reziervie jość 70 hiektaraŭ terytoryi patencyjnaj umiaščalnaściu ŭ 60 tysiač pachavańniaŭ.
Mohiłki, pra jakija idzie havorka, raźmieščanyja za 4 kiłamietry na paŭdniovy ŭschod ad MKAD kala vioski Vialiki Traścianiec. Ich adkryli ŭ 2021 hodzie. Heta adzinyja z mohiłak Minska z dastupnymi ŭsimi vidami pachavańniaŭ.
Siarod inšych na hetych mohiłkach u minułym hodzie byŭ pachavany prahramist Andrej Zielcer, jaki zahinuŭ u pierastrełcy ź siłavikami, što ŭzłamali jahonuju kvateru.
