Akcior, jaki syhraŭ Saŭrona va «Uładary piarścionkaŭ», paprasiŭ nie nazyvać rasijan orkami
Ukrainskaja arhanizacyja pa abaronie žyvioł UAnimals vypuściła rolik z udziełam akciora Sały Bejkiera, jaki syhraŭ rolu hałoŭnaha antahanista va «Uładary piarścionkaŭ». Artyst zajaviŭ, što navat z pazicyi kultavaha złydnia «šakavany absalutnym złom, ź jakim zmahajucca ŭkraincy».
Paśla hetaha ŭ roliku pakazali kadry z orkami ź filma, na jakija nakłali «zvarot» piersanažaŭ da žycharoŭ Ukrainy. Orki paprasili nie nazyvać rasijan orkami, bo heta «abraźliva» ŭ dačynieńni da fentezijnych istot.
«Ad imia dyjaspary orkaŭ ja chaču źviarnucca z važnaj prośbaj. Kali łaska, nie nazyvajcie rasijan orkami. Nas heta abražaje! Orki nie buduć celicca ŭ žančyn i dziaciej, kraści pralnyja mašyny i hadzić na dyvany. My — voiny, a nie niejki chłam», — havorycca ŭ zvarocie Bejkiera.
U kancy jašče adzin ork kaža, što rasijskaja armija «stralaje pa-zaaparkach i celicca pa biezabaronnych žyviołach». Paśla ŭ kadry znoŭ źjaŭlajecca Bejkier i zaklikaje dapamahać UAnimals, jakija dahladajuć žyvioł i ratujuć ich va ŭmovach bajavych dziejańniaŭ.
