Supolnaść čyhunačnikaŭ: Biełaruś rychtujecca da pryjomu vajskovych ešałonaŭ z Rasii
Padpolnaja «Supolnaść čyhunačnikaŭ Biełarusi» maje infarmacyju pra kompleks padrychtoŭčych mier. «Naša Niva» nie maje inšych krynic, kab pravieryć, praŭdzivaja heta infarmacyja, ci imitacyja dziejańniaŭ, kab zmusić Ukrainu trymać napahatovie hrupoŭku vojskaŭ na poŭnačy krainy.
Paviedamlajecca, što na hety momant viadziecca prapracoŭka nastupnych mierapryjemstvaŭ. Naprykład, pa padrychtoŭcy stancyj,
— kamisijnaje abśledavańnie miescaŭ vyhruzki (pahruzki) z pryciahnieńniem słužbovych asob adździaleńniaŭ Biełaruskaj čyhunki i kamiendatur orhanaŭ vajennych złučeńniaŭ;
— pry nieabchodnaści praviadzieńnie ramontu pahruzačna-vyhruzačnych płatform, a taksama padrychtoŭka aŭtamabilnych padychodaŭ da pahruzačna-vyhruzačnych miescaŭ na stancyjach;
— pravierka spraŭnaści srodkaŭ suviazi na stancyjach vyhruzki (pahruzki) dla apieratyŭnaha kiravańnia vajskovymi pieravozkami;
— vydzialeńnie rabotnikaŭ čyhunačnaha transpartu dla arhanizacyi propusku techniki praz čyhunačnyja pierajezdy i zabieśpiačeńnie ich srodkami suviazi.
Pa zabieśpiačeńni ruchomym składam:
— vyznačeńnie prydatnaści płanavanych da vykarystańnia hruzavych vahonaŭ u mižnarodnych znosinach u adpaviednaści z patrabavańniami, praviadzieńnie mierapryjemstvaŭ pa paskareńni ramontu ruchomaha składu;
— adbor hruzavych vahonaŭ z zaklučeńniem dahavoraŭ arendy i absłuhoŭvańnia;
— pa arhanizacyi ruchu voinskich ešałonaŭ i manieŭrovaj pracy na stancyjach:
— zamacavańnie na stancyjach vyhruzki manieŭrovych łakamatyvaŭ;
— raspracoŭka hrafikaŭ ruchu voinskich ešałonaŭ pa Biełaruskaj čyhuncy (paśla pradastaŭleńnia płana voinskich čyhunačnych pieravozak);
— vyłučeńnie nieabchodnaj kolkaści łakamatyŭnych bryhad dla paskoranaha prasoŭvańnia vajskovych ešałonaŭ;
— arhanizacyja ŭzajemadziejańnia z Centralnaj dyrekcyjaj kiravańnia ruchu — filijała AAT «Rasijskaj čyhunki» pa pytańniach uzhadnieńnia paradku apieratyŭnaha viartańnia parožnich schiem u RF dla paŭtornaha ich vykarystańnia pad pahruzku voinskich ešałonaŭ VS RF padčas ruchu da miescaŭ razhruzki na terytoryi Respubliki Biełaruś.
Asnoŭnyja čyhunačnyja pamiežnyja pierachody, pa jakich čakajecca pryjom u Biełaruś:
1. Krasnaje — Asinaŭka.
2. Złynka — Zakapyćcie.
3. Zaviarežža — Jeziaryšča.
