Kiraŭnica ŭkrainskaha «Centra hramadzianskich svabod» — pra pravy čałavieka i Nobieleŭskuju premiju
Alaksandra Matvijčuk, kiraŭnica ŭkrainskaha «Centra hramadzianskich svabod», jakomu siońnia razam z Alesiem Bialackim i rasijskim «Miemaryjałam» prysudzili Nobieleŭskuju premiju miru, zrabiła zajavu z hetaj nahody. Pry hetym jana padkreśliła, što «rada, «Centr hramadzianskich svabod», jaki jana ŭznačalvaje, atrymaŭ siońnia Nobieleŭskuju premiju razam ź siabrami i partniorami z «Miemaryjała» i «Viasny».
Alaksandra Matvijčuk zajaviła:
«Ciapier havorać armii, tamu što raniej hałasy pravaabaroncaŭ u našym rehijonie nie byli čutnyja. Mahčyma, nas słuchali na Kamitecie AAN pa pravach čałavieka, ale dakładna nie ŭ tych załach, dzie prymajucca rašeńni ludźmi va ŭładzie.
Kali my nie chočam žyć u śviecie, dzie praviły zadaje toj, chto maje bolš mahutny vajenny patencyjał, a nie viaršenstva prava, taki stan rečaŭ treba budzie źmianić. I ja pavinna skazać try rečy.
1. AAN i dziaržavy-ŭdzielnicy pavinny pravieści reformu mižnarodnaha miru i biaśpieki, kab stvaryć harantyi dla ŭsich krain i ich hramadzian niezaležna ad ich udziełu ci niaŭdziełu ŭ vajennych błokach abo vajennaj mocy. Rasija pavinna być vyklučanaja z Rady biaśpieki AAN za sistematyčnyja parušeńni Statuta AAN.
2. AAN i dziaržavy-ŭdzielnicy pavinny vyrašyć prablemu «prabiełu ŭ adkaznaści» i zabiaśpiečyć šaniec na spraviadlivaść sotniam tysiač achviar vajennych złačynstvaŭ. Biez hetaha ŭstojlivy mir u rehijonie niemahčymy.
Treba stvaryć mižnarodny trybunał i pryciahnuć Pucina, Łukašenku i inšych vajennych złačyncaŭ da adkaznaści.
3. Uvieś moj 20-hadovy dośvied baraćby za svabodu i pravy čałavieka pierakanaŭča kaža, što zvyčajnyja ludzi majuć značna bolšy ŭpłyŭ, čym jany sabie dumajuć. Masavaja mabilizacyja zvyčajnych ludziej u roznych krainach śvietu i ich ahulny hołas mohuć źmianić suśvietnuju historyju chutčej, čym interviencyja AAN.
Ja rada, «Centr hramadzianskich svabod», jaki ja ŭznačalvaju, atrymaŭ siońnia Nobieleŭskuju premiju razam z našymi siabrami i partniorami z «Miemaryjała» i «Viasny».
Čytajcie taksama:
«Nobiel zamučyŭsia pieravaročvacca ŭ trunie». Viedamstva Makieja prakamientavała ŭručeńnie premii miru Alesiu Bialackamu
«Viasna»: Hałoŭnaja nadzieja — što Nobieleŭskaja premija stanie mahčymaj pryčynaj vyzvaleńnia Alesia Bialackaha
Aleś Bialacki atrymaŭ Nobieleŭskuju premiju miru
