Łukašenka praciahvaje pieradavać Rasii vajskovuju techniku
Telehram-kanał «Supolnaść biełaruskich čyhunačnikaŭ» paviedamiŭ, što 21 kastryčnika z čyhunačnaj stancyi Urečča ŭ Lubanskim rajonie adpraviłasia ŭžo siomaja hrupa hružanych vahonaŭ-płatformaŭ z raskansiervavanaj vajskovaj technikaj Uzbrojenych siłaŭ Biełarusi.
Fota ilustracyjnaje
Hetym razam 20 adzinak BMP-2, źniatych z kansiervacyi z 969-j bazy reziervu tankaŭ, nakiravalisia spačatku ŭ Biełharadskuju vobłaść, a dalej — u kirunku Łuhanska.
Paśla źjaviłasia infarmacyja, što 28 kastryčnika było vyvieziena jašče 28 tankaŭ T-72A.
Pa padlikach prajekta «Biełaruski Hajun», za apošni miesiac režym Alaksandra Łukašenki pieradaŭ Rasii:
— jak minimum, 122 tanki T-72A;
— 36—44 «Urałaŭ»;
— 20 BMP-2.
Akramia taho, pa padlikach «Hajuna», u Rasiju ź Biełarusi za siem apošnich miesiacaŭ było adpraŭlena bolš za 65 tysiač ton (1940 vahonaŭ) bojeprypasaŭ.
