ZŠA ŭviali sankcyi suprać biełaruski za hrachi ŭ Hvatemale
ZŠA ŭviali sankcyi suprać hramadzianina Rasii Dźmitryja Kudrakova i hramadzianki Biełarusi Iryny Litviniuk, jakija majuć dačynieńnie da pracy kampanij u Hvatemale. Pavodle viersii amierykanskich uładaŭ, hetyja ludzi ŭdzielničali ŭ troch karupcyjnych schiemach.
Jak paviedamlaje Minfin ZŠA, sankcyi ŭ dačynieńni da rasijanina i biełaruski ŭviedzienyja na padstavie «akta Mahnickaha». Taksama pad sankcyi padpali try kampanii, zarehistravanyja ŭ Hvatemale. Ich abvinavačvajuć u kradziažy pryrodnych resursaŭ krainy ŭ halinie hornazdabyvajučaj pramysłovaści.
Zakon, u adpaviednaści ź jakim nakładziena pakarańnie, nazvany ŭ honar rasijskaha aŭdytara Siarhieja Mahnickaha, aryštavanaha ŭ Rasii ŭ 2008 hodzie, jaki pamior u maskoŭskim SIZA «Matroskaja cišynia» ŭ 2009-m.
