Sienat ZŠA ŭchvaliŭ zakonaprajekt ab lehalizacyi adnapołych šlubaŭ
Sienat Kanhresa ZŠA ŭchvaliŭ zakonaprajekt, jaki zamacoŭvaje prava adnapołych i mižrasavych par na zaklučeńnie šlubu na fiederalnym uzroŭni, paviedamlaje «Nastojaŝieje vriemia».
Fota: J. Scott Applewhite / AP
Dakumient taksama admianiaje zakon «Ab abaronie šlubu» ad 1996 hoda, u jakim šlub vyznačaŭsia, jak sajuz pamiž mužčynam i žančynaj.
U chodzie hałasavańnia zakonaprajekt padtrymaŭ 61 sienatar, u tym liku 12 respublikancaŭ. «Suprać» prahałasavała 36 zakanadaŭcaŭ. Ciapier dakumient pavinien być kančatkova zaćvierdžany Pałataj pradstaŭnikoŭ, paśla čaho jaho pieradaduć na podpis prezidentu ZŠA Džo Bajdenu.
«Uchvaliŭšy hety zakonaprajekt, Sienat pasyłaje sihnał, jaki kožny amierykaniec pavinien pačuć: niezaležna ad taho, chto vy i kaho vy kachajecie, vy taksama zasłuhoŭvajecie hodnaha i roŭnaha staŭleńnia ŭ adpaviednaści z zakonam», — zajaviŭ lidar bolšaści ŭ Sienacie Čak Šumier.
