Halivudski akcior Džeremi Renier u krytyčnym stanie. Ź im zdaryŭsia niaščasny vypadak padčas uborki śniehu
Amierykanski akcior, viadomy pa roli Sakalinaha voka ŭ filmach pa suśviecie Marvel, paciarpieŭ u vyniku niaščasnaha vypadku, jaki adbyŭsia padčas uborki śniehu. Pra heta paviedamlajuć Variety i Deadline sa spasyłkaj na pradstaŭnika akciora.
«My možam paćvierdzić, što Džeremi znachodzicca ŭ krytyčnym, ale stabilnym stanie z traŭmami, atrymanymi ŭ vyniku niaščasnaha vypadku padčas uborki śniehu», — skazaŭ pradstaŭnik akciora.
Jon dadaŭ, što akcior znachodzicca ŭ balnicy, dzie «atrymlivaje vydatny dohlad». Jakija traŭmy atrymaŭ akcior, nieviadoma. Što mienavita ź im adbyłosia, taksama nie paviedamlajecca.
Deadline paviedamlaje, što Renier byŭ dastaŭleny ŭ špital viertalotam.
Džeremi Renier — dvuchrazovy naminant na premiju «Oskar» za hałoŭnuju rolu ŭ filmie «Uładar bury» i rolu druhoha płana ŭ «Horadzie zładziejaŭ». Jon taksama zdymaŭsia ŭ filmach «Palaŭničyja na viedźmaŭ», «Misija nievykanalnaja: Pratakoł Fantom» i šaści filmach Marvel.
