Minabarony Rasii paviedamiła pra 89 zahinułych u Makiejeŭcy
Ministerstva abarony Rasii paviedamiła, što kolkaść achviar siarod rasijskich vajskoŭcaŭ paśla ŭkrainskaha ŭdaru pa Makiejeŭcy vyrasła da 89 čałaviek. U paniadziełak viedamstva paviedamlała pra 63 zahinułych.
U Minabarony ŭdakładnili, što siarod zahinułych — namieśnik kamandzira pałka padpałkoŭnik Bačuryn.
«Na žal, u chodzie razboru zavałaŭ žalezabietonnych kanstrukcyj kolkaść zahinułych našych tavaryšaŭ pavialičyłasia da 89», — zajaviŭ pieršy namieśnik načalnika hałoŭnaha vajenna-palityčnaha ŭpraŭleńnia US RF Siarhiej Sieŭrukoŭ.
Pryčynaj ataki stała masavaje vykarystańnie sałdatami mabilnych telefonaŭ.
«Hety faktar dazvoliŭ supierniku zapielenhavać i vyznačyć kaardynaty raźmiaščeńnia vajskoŭcaŭ dla naniasieńnia rakietnaha ŭdaru», — zajaviŭ jon.
U minabarony taksama paviedamili, što ŭ adkaz ahniom była źniščana puskavaja ŭstanoŭka RSZA HIMARS, ź jakoj vioŭsia ahoń pa Makiejeŭcy (ukrainski bok heta nie paćviardžaŭ).
Udar pa budynku praftechvučylišča ŭ Makiejeŭcy, u jakim raźmiaščałasia baza rasijskich vajskoŭcaŭ, adbyŭsia adrazu paśla nastupleńnia Novaha hoda. U budynku PTV u hety momant mahło znachodzicca kala 600 čałaviek.
U niadzielu Kiravańnie stratehičnych kamunikacyj VSU paviedamiła, što ŭ chodzie ŭdaru pa Makiejeŭcy byli zabityja 400 i 300 paranienyja mabilizavanych rasiejcaŭ. U ŭkrainskich ŚMI taksama paviedamlałasia ab 300 zahinułych.
