Мінабароны Расіі паведаміла пра 89 загінулых у Макееўцы
Міністэрства абароны Расіі паведаміла, што колькасць ахвяр сярод расійскіх вайскоўцаў пасля ўкраінскага ўдару па Макееўцы вырасла да 89 чалавек. У панядзелак ведамства паведамляла пра 63 загінулых.
У Мінабароны ўдакладнілі, што сярод загінулых — намеснік камандзіра палка падпалкоўнік Бачурын.
«На жаль, у ходзе разбору завалаў жалезабетонных канструкцый колькасць загінулых нашых таварышаў павялічылася да 89», — заявіў першы намеснік начальніка галоўнага ваенна-палітычнага ўпраўлення УС РФ Сяргей Сеўрукоў.
Прычынай атакі стала масавае выкарыстанне салдатамі мабільных тэлефонаў.
«Гэты фактар дазволіў суперніку запеленгаваць і вызначыць каардынаты размяшчэння вайскоўцаў для нанясення ракетнага ўдару», — заявіў ён.
У мінабароны таксама паведамілі, што ў адказ агнём была знішчана пускавая ўстаноўка РСЗА HIMARS, з якой вёўся агонь па Макееўцы (украінскі бок гэта не пацвярджаў).
Удар па будынку прафтэхвучылішча ў Макееўцы, у якім размяшчалася база расійскіх вайскоўцаў, адбыўся адразу пасля наступлення Новага года. У будынку ПТВ у гэты момант магло знаходзіцца каля 600 чалавек.
У нядзелю Кіраванне стратэгічных камунікацый ВСУ паведаміла, што ў ходзе ўдару па Макееўцы былі забітыя 400 і 300 параненыя мабілізаваных расейцаў. У ўкраінскіх СМІ таксама паведамлялася аб 300 загінулых.
