U poŭnaj adzinocie. Źjavilisia kadry z Pucinym na kaladnaj słužbie
Padčas abvieščanaha Pucinym z nahody pravasłaŭnaha Rastva «režymu spynieńnia ahniu» rasijski prezident u adzinocie — akramia jaho byli tolki śviatary — naviedaŭ nabaženstva ŭ Błahavieščanskim sabory Kramla.
Fota: AP
Pucina sustrakaŭ błahačynny chramaŭ Klinskaj akruhi Sierhijeva-Pasadskaj jeparchii ijeramanach Iosif.
Fota: AP
Heta treciaje Rastvo, jakoje Pucin sustreŭ u Maskvie z 2000 hoda, adznačaje Interfaks, pryčym papiarednija dva razy byli ŭ 2000 hodzie (u chramie Trojcy žyvatvorčaj na Varabjovych harach), i ŭ 2001-m — u chramie Chrysta Zbaviciela.
U čaćvier Pucin daručyŭ ministru abarony Rasii Siarhieju Šajhu ŭvieści na 36 hadzin režym spynieńnia ahniu pa ŭsioj linii bajavoha sudakranańnia z nahody Rastva i zaklikaŭ Ukrainu dałučycca. Va Ukrainie ličać heta kryvadušnaściu. Prezident Uładzimir Zialenski nazvaŭ krok sprobaj vykarystoŭvać relihijnaje śviata ŭ jakaści prykryćcia. U Kijevie adznačajuć, što abstreły z rasijskaha boku paśla pačatku «režymu spynieńnia ahniu» nie spynialisia.
