U ZŠA muž źnikłaj žančyny šukaŭ u internecie infarmacyju, jak pazbavicca ad 52-kiłahramovaha cieła
U amierykanskim štacie Masačusiets palicyja z 4 studzienia šukaje 39-hadovuju maci traich dziaciej Anu Uołš. Pra źniknieńnie Any paviedamiŭ jaje pracadaŭca ŭ Vašynhtonie, a jamu, u svaju čarhu, patelefanavaŭ zaniepakojeny muž žančyny, 46-hadovy Brajan Uołš. Palicyja ŭziałasia za rasśledavańnie i vyjaviła dziŭnyja rečy, paviedamlaje «Hołas Amieryki».
Padčas śledstva Uołš paviedamiŭ, što jahonaja žonka źjechała ŭ Vašynhton na śvitanku 1 studzienia i z taho času nie pajaŭlałasia. Adnak paźniej pravaachoŭnyja orhany vyjavili kroŭ i skryvaŭleny nož u sklepie doma siamiejnaj pary.
Da taho ž na elektronnych pryładach Uołša vyjavili ŭ historyi pošuku zapyt «jak pazbavicca ad žanočaha cieła vahoj 52 kiłahramy».
Taksama mužčynu bačyli ŭ kramie tavaraŭ dla doma — jon nabyvaŭ myjnyja srodki na sumu 450 dalaraŭ.
Brajan Uołš znachodzicca na vyprabavalnym terminie i pad chatnim aryštam pa fiederalnaj spravie ab prodažy padroblenych karcin Endzi Uorchała na płatformie eBay ŭ 2016 hodzie. Ciapier jon źmieščany pad vartu ŭ suviazi z uviadzieńniem u zman pravaachoŭnych orhanaŭ.
