Aleku Bołduinu vystaviać abvinavačvańnie ŭ nienaŭmysnym zabojstvie apieratarki
Apieratarka Halina Chatčyns zahinuła na zdymkach viesterna «Rža» ŭ kastryčniku 2021 hoda. Joj było 42.
Alek Bołduin. Fota: instahram akciora
Bołduin vypadkova streliŭ žančynie ŭ hrudzi na zdymkach viesterna «Rža» z rekvizitnaha pistaleta na ranča niedaloka ad Santa-Fie ŭ štacie Ńju-Mieksika. U hetym pistalecie niespadziavana apynuŭsia bajavy patron. Rykašetam u plačo byŭ taksama paranieny režysior filma Džoeł Soŭza, ale jon vyžyŭ.
U čaćvier akruhovy prakuror Santa-Fie Mery Karmak-Ołtvis paviedamiła, što da kanca miesiaca suprać Bołduina buduć vystaŭlenyja abvinavačvańni. Razam ź im pa spravie prachodzić i zbrojnica filma «Rža» Channa Hućjeres Ryd.
Zahinułaja Halina Chatčyns naradziłasia i vyrasła va Ukrainie, a kinaapieratarkaj stała ŭžo ŭ ZŠA.
