Pamior Aŭraam Lempiel — vynachodnik PDF i MP3
Izrailski śpiecyjalist u halinie infarmatyki prafiesar Aŭraam Lempiel, jaki ličycca adnym z baćkoŭ kampresii danych, jakaja źmianiła ŭsiu vobłaść kampjutarnych navuk, pajšoŭ z žyćcia va ŭzroście 87 hadoŭ.
Lempiel naradziŭsia ŭ 1936 hodzie ŭ Lvovie, u 1959 hodzie pierabraŭsia z Polščy ŭ Izrail. U 1977 hodzie razam sa svaim kaleham, prafiesaram Jakavam Zivam, Lempiel apublikavaŭ LZ7, pieršuju viersiju ałharytmu Lempiela-Ziva, a ŭ 1979 hodzie — druhuju viersiju, 79LZ.
Abiedźvie viersii pasłužyli asnovaj dla najvažniejšych i najpapularniejšych technałohij ściskańnia, jakija šyroka vykarystoŭvajucca i siońnia, takich jak TIFF, PNG, ZIP i GIF, a taksama syhrali centralnuju rolu ŭ farmatach PDF (dla dakumientaŭ) i MP3 (dla muzyki).
Ałharytm, raspracavany Lempielem i Zivam, dazvalaje ściskać danyja biez strat i nie patrabujučy papiaredniaha viedańnia statystyčnych ułaścivaściaŭ danych. Mnohija technałohii ściskańnia, jakija vykarystoŭvajucca siońnia ŭ internecie ŭ pryładach pamiaci, kampjutarach i srodkach suviazi, byli raspracavanyja na asnovie hetaha ałharytmu, jaki da hetaha času zachoŭvaje aktualnaść u śviecie vysokich technałohij.
