Vyjšaŭ na volu palitviazień Ivan Andrušojć
U sudzie Zavodskaha rajona Minska 28 studzienia 2022 hoda Ivanu Andrušojciu ahučyli prysud — 3,5 hoda kałonii. Pa vynikach apielacyi palitviaźniu źmianili prysud — skaracili da troch hadoŭ, a siońnia jon vyjšaŭ na volu, adbyŭšy ŭ źniavoleńni 2 hady, 2 miesiacy i 4 dni, piša «Viasna».
Ivan — fihurant «spravy ŭzłomu kampjutarnaj sistemy Minharvykankama», jaki znachodzicca za kratami ŭžo 26 miesiacaŭ. Jaho abvinavacili pavodle šaści artykułaŭ Kryminalnaha kodeksa.
Zhodna z materyjałami kryminalnaj spravy, «abvinavačanyja z dapamohaj škodnasnaha PZ atrymali dostup da kampjutarnych sistem KUP «CIT Minharvykankama» i HUUS Minharvykankama, što paciahnuła za saboj parušeńnie narmalnaj pracy pradpryjemstvaŭ i dziaržorhanaŭ, a taksama hetyja asoby skapijavali i vydalili fajły roznych farmataŭ i ŭnieśli ŭ ich zahadzia iłžyvuju infarmacyju».
U mai 2022 hoda Ivana etapavali ŭ babrujskuju kałoniju №2, administracyja jakoj źmiaściła jaho ŭ PKT da zakančeńnia terminu.
