Znajści
Ałharytmičny łacinski varyjant
29.03.2023 / 07:31RusŁacBieł

Rasijanie zaniali dźvie traciny Bachmuta — ISW

Amierykanski Instytut vyvučeńnia vajny (ISW) u apošniaj zvodcy paviedamlaje, što, pavodle jaho acenak, rasijanie za apošni tydzień uziali pad kantrol jašče prykładna piać adsotkaŭ terytoryi Bachmuta i ciapier zajmajuć kala 65% terytoryi horada.

ISW piša, spasyłajučysia na paviedamleńni rasijskich krynic i videa z hieałakacyjaj, što z poŭdnia častki PVK «Vahnier» prasunulisia da samaha centra, da rynka i Pałaca kultury, raźmieščanaha pobač z budynkam haradskoj rady; na paŭnočnym zachadzie horada PVK «Vahnier» całkam uziała terytoryju AZAM — zavoda pa apracoŭcy kalarovych mietałaŭ i prasunułasia ŭ pramzonu dalej na poŭdzień.

Płošča Bachmuta składaje krychu bolš za 40 kv. km, takim čynam, 5% terytoryi horada — heta kala dvuch kvadratnych kiłamietraŭ.

U svaju čarhu ŭkrainski Hienštab paviedamlaje, što Bachmut trymajecca.

Taksama rasijanie atakujuć na samym paŭnočnym adrezku frontu i ŭ rajonach Aŭdziejeŭki i Marjinki, ale tam ich ataki biespaśpiachovyja.

«Na bachmuckim kirunku vorah praciahvaje šturmavyja dziejańni ŭ horadzie Bachmucie. Tym nie mienš, našy abaroncy mužna trymajuć horad, adbivajuć šmatlikija ataki praciŭnika», — paviedamlaje Hienštab i dalej raspaviadaje pra adbityja, jak jon śćviardžaje, napady na paŭnočnym i paŭdniovym zachadzie ad Bachmuta.

Čytajcie taksama:

Minabarony Vialikabrytanii: Rasijskija vojski viartajucca da abarony paśla niaŭdałaha nastupu na Bachmut

Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam

Rasijanie prasunulisia pad Bachmutam, ale nie mohuć nastupać u inšych kirunkach — brytanskaja raźviedka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
2
Ого
0
Сумна
2
Абуральна
5
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930