Znajści
Ałharytmičny łacinski varyjant
26.05.2023 / 22:46RusŁacBieł

Biełaruskija knihary, dziciačyja i darosłyja knihi ŭ Varšavie na knižnym kirmašy

Knižny kirmaš budzie prachodzić z 25 pa 28 maja ŭ varšaŭskim Pałacy kultury i navuki. Biełaruskija knihi na kirmašy buduć vystaŭleny na asobnym stendzie. Adbuducca sustrečy aŭtaraŭ knih z čytačami i prezientacyi knižnych navinak.

Ilustracyjnaje fota. Kałaž z knihami biełaruskich vydaviectvaŭ

«Kali vy chočacie pahruzicca ŭ śviet biełaruskaj litaratury i kultury, nabyć novyja knihi, a taksama naviedać tvorčyja sustrečy niezaležnych aŭtaraŭ — u nas dla vas jość cudoŭnyja naviny», — paviedamlaje pra kirmaš adzin ź jaho arhanizataraŭ — Centr biełaruskaj salidarnaści.

Sustrečy z aŭtarami knih, ich prezientacyi z aŭtohraf-siesijami projduć la samoha stenda i ŭ kanfierenc-zale Pałaca kultury i navuki.

27 maja (12:00—12:55, kanfierenc-zała) piśmieńnik i historyk Siarhiej Tarasaŭ prezientuje svaju knihu «Jeŭfrasińnia, Afrasińnia, Ofrasińnia Połackaja. Jaje čas, jaje kryž» pra žyćcio i tajamnicy śviatoj Jeŭfrasińni Połackaj.

27 maja (15:00—15:55, kanfierenc-zała) znany paet, piśmieńnik, historyk Uładzimir Arłoŭ raskaža pra raniejšyja svaje biestsielery, a taksama navinki ad vydaviectva «Kamunikat».

27 maja (18:00—18:55, kanfierenc-zała) z čytačami sustreniecca viadomy paet, pierakładčyk, litaraturaznaŭca Andrej Chadanovič.

La stenda 26 maja (18:00—19:00), a taksama 27 maja (14:00—15:00) sustreniecca z čytačami i praviadzie aŭtohraf-siesiju Paŭlina Skurko — žonka Andreja Skurko. Palina prezientuje zborniki mužavych vieršaŭ «Pra słanoŭ i barsučkoŭ dla dziaŭčat i chłapčukoŭ» dy pierakładnoj knihi «Dobry doktar Budź-Zdaroŭ».

La stenda 26 maja (17:00—18:00), 27 maja (17:00—18:00) pryvitaje naviednikaŭ i čytačoŭ svaich tvoraŭ piśmieńnica, pierakładčyca i žurnalistka Śviatłana Kurs. Jana aŭtarka knihi «Pa što idzieš, voŭča?» vydavieckaj inicyjatyvy «Pflaŭmbaŭm».

La stenda 26 maja a 17-j hadzinie paetka Nasta Kudasava i mastačka Safija-Śviatłana Dziemidovič prezientujuć knihu «Pobač», vydadzienuju impryntam Skarynyčy.

La stenda 27 maja (10:30—11:55) piśmieńnik Alaksandr Kudrycki raskaža pra svaju novuju knihu «Kazik z Kamiennaj horki», jakaja pabačyła śviet u vydaviectvie «Januškievič».

La stenda 27 maja (13:00—13:55) aŭtohraf-siesiju praviadzie daśledčyk-numizmat Dźmitryj Hulecki.

La stenda 27 maja (13:00—14:30) prezientuje knihu prozy «Tastamient Rahvałoda» jaje aŭtar Aleś Arkuš. Zbornik vydadzieny impryntam Skarynyčy.

La stenda 28 maja (11:00—12:00) pra knihu dla dziaciej «Katok-piestunok» raskaža jaje ŭkładalnik piśmieńnik Vasil Drańko-Majsiuk.

Stend biełaruskich knih arhanizavaŭ Centr biełaruskaj salidarnaści ŭ partniorstvie z Centram navukovych daśledavańniaŭ Polskaj akademii navuk u Bierlinie. Prajekt dafinansavany sa srodkaŭ Fondu polska-niamieckaha supracoŭnictva.

Miesiac tamu na knižnym kirmašy ŭ Biełastoku biełaruskich vydaŭcoŭ, ich pradukcyju, a taksama aŭtaraŭ knih ciopła sustreła miascovaja biełaruskaja dyjaspara. La stenda ź biełaruskimi vydańniami było mnahaludna.

«Naša Niva» — bastyjon biełaruščyny

PADTRYMAĆ

Hladzicie taksama:

«Vitajem u piekle!» Žurnalist Aleh Hruździłovič raskazaŭ pra svoj dośvied u ŠIZA i rastłumačyŭ, čym jon roźnicca ad karcara

Vyjšła kniha pra toje, jak našy prodki ŭ časy Rečy Paspalitaj viali palityku na rehijanalnym uzroŭni

«Gutenberg Publisher budzie nie prosta vydaviectvam, a i intelektualnaj prastoraj». Stvaralnica biełaruskaha vydaviectva za miažoj — pra pracu, hrošy, nadziei i pierśpiektyvy

Ekanamičny sud z padačy Ministerstva infarmacyi likvidavaŭ vydaviectva Źmitra Kołasa

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1
2345678
9101112131415
16171819202122
23242526272829
3031