Znajści
Ałharytmičny łacinski varyjant
30.05.2023 / 07:274RusŁacBieł

Bieśpiłotniki sprabavali atakavać Maskvu, źbili kala dziasiatka

Unačy 30 maja žychary Maskvy i Padmaskoŭja pačuli vybuchi. Jak paviedamlajuć rasijskija miedyja, adbyłasia ataka bieśpiłotnikami. Dva ź ich trapili ŭ šmatpaviarchoviki ŭ Maskvie. Paciarpiełych, pa papiarednich danych, niama. Pavodle Baza, u atacy ŭdzielničali kala 25 bieśpiłotnikaŭ. 

Adzin z atakovanych damoŭ

Pavodle infarmacyi Baza, vybuch adbyŭsia kala 4-j hadziny ranicy ŭ šmatpaviarchoŭcy na vulicy Atłasava ŭ Novaj Maskvie, piša Baza.

Paviedamlajecca, što zdareńnie adbyłosia na 25-m paviersie, u niekalkich kvaterach vylecieli šyby.

Žychary doma, u jakim adbyŭsia vybuch, vyjavili pradmiet, padobny da kryła bieśpiłotnika. Pavodle viersii palicejskich, adznačaje vydańnie, jakraz jon moh stać pryčynaj vybuchu.

Paciarpiełych u vyniku incydentu niama.

Mer Maskvy Siarhiej Sabianin paćvierdziŭ ataku dronami ŭ Maskvie, niekalki budynkaŭ, ź jahonych słoŭ, atrymali «niaznačnyja paškodžańni», «nichto surjozna nie paciarpieŭ».

Jak piša TASS, bieśpiłotnik moh urezacca ŭ šmatpaviarchovy žyły dom u Novaj Maskvie. Pa danych Mash, nadzvyčajnaje zdareńnie adbyłosia ŭ rajonie 4:30 ranicy, udar pryjšoŭsia ŭ ścianu techničnaha paviercha nad voknami kvatery. Askiepki, kavałki bietonu i dachu ŭpali na ziamlu. Rasijskija miedyja ŭdakładniajuć, što havorka idzie pra 24-paviarchovym žyły dom na vulicy Atłasava ŭ Novaj Maskvie.

Taksama inšy bieśpiłotnik urezaŭsia ŭ žyły dom u Maskvie na Prafsajuznaj vulicy, jak pišuć miedyja. Razburany fasad i škleńnie doma. BPŁA zalacieŭ u kvateru maskvički na 16-m paviersie i raźbiŭ akno. Papiarednie, paciarpiełych niama. Žycharoŭ troch padjezdaŭ doma evakujujuć.

Vybuchi byli čutnyja taksama ŭ Adzincova, Krasnahorsku, u rajonie Novaj Ryhi, Barvisie.

Jak piša Baza, bolš za dziesiać bieśpiłotnikaŭ źbityja ŭ Padmaskoŭi za siońniašniuju ranicu, bolšaść ź ich — u Istrynskim, Krasnahorskim i Adzincoŭskim rajonach.

Taksama vydańnie piša pra toje, što niekalki bieśpiłotnikaŭ źbityja nad Istraj u Padmaskoŭi. Nibyta bieśpiłotniki lacieli ŭ bok Novaj Ryhi pad Maskvoj.

Pa infarmacyi Baza, u atacy na Maskvu ŭdzielničała kala 25 bieśpiłotnikaŭ. Bolšaja častka była źbitaja siłami SPA ŭ Padmaskoŭi, častka dronaŭ začapilisia za drevy i pravady. Try BPŁA ŭrezalisia ŭ žyłyja damy, adzin ź bieśpiłotnikaŭ nios vybuchovyja pryłady, jakija nie zdetanavali. Nivodny ź ich nie nanios vialikaj škody.

Čytajcie taksama:

Čarhovaja načnaja ataka na Kijeŭ. Pavietranaja tryvoha doŭžyłasia amal try hadziny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Borik/adkazać/
30.05.2023
Uład, startovali s bazy fsb , kak i "riazanskij sachar"  
0
Hary ahniom/adkazać/
30.05.2023
Vajna pryjšła u maskvu
0
mikola/adkazać/
30.05.2023
25 atakavala ? Dze jany nabrali ? Navuczylisja ! Lepei by z *pilotami* ljatali....
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera