Stali viadomyja niekatoryja detali sudovaj spravy Jaŭhiena Mierkisa
Dziaržaŭnaja hazieta «Homielskaja praŭda» vydała prapahandyscki materyjał, pryśviečany sudovamu prysudu, jaki siońnia vynieśli homielskamu krajaznaŭcu i žurnalistu Jaŭhienu Mierkisu. Pasiadžeńni vialisia ŭ zakrytym režymie, tamu pra spravu mała čaho viadoma, piša «Fłahštok». Hetaja publikacyja prynamsi pryadkryvaje, u čym mienavita Jaŭhiena abvinavačvali.
Fota: BAŽ
Pavodle «Homielskaj praŭdy», Jaŭhien Mierkis nibyta adpraŭlaŭ telehram-kanałam źviestki ab pierasoŭvańni vajskovaj techniki. Taksama prapahandysty akcentujuć uvahu, što Jaŭhien pracavaŭ dla telekanała «Biełsat», jaki ŭłady pryznali ekstremisckim.
Paśla pryznańnia ŭładami šerahu niezaležnych resursaŭ ekstremisckimi Jaŭhien Mierkis spyniŭ žurnalisckuju dziejnaść i zajmaŭsia krajaznaŭstvam, pracavaŭ nad svaim histaryčnym resursam «Naš kraj». Taksama Jaŭhien Mierkis viadomy jak arhanizatar šmatlikich kulturnickich padziej Homiela, abaronca histaryčnaj spadčyny horada.
Siońnia Jaŭhienu Mierkisu vynieśli prysud — 4 hady kałonii ŭzmocnienaha režymu.
Čytajcie taksama:
Tak ciapier vyhladaje palitźniavoleny žurnalist Jaŭhien Mierkis FOTA
Asudzili za pratesty troch čałaviek u Kruhłym. Siarod ich dziaŭčyna, jakoj nie davali lačycca
Homielskaha barmiena Viatoškina asudzili na piać hadoŭ chatniaj chimii
