Сталі вядомыя некаторыя дэталі судовай справы Яўгена Меркіса
Дзяржаўная газета «Гомельская праўда» выдала прапагандысцкі матэрыял, прысвечаны судоваму прысуду, які сёння вынеслі гомельскаму краязнаўцу і журналісту Яўгену Меркісу. Пасяджэнні вяліся ў закрытым рэжыме, таму пра справу мала чаго вядома, піша «Флагшток». Гэтая публікацыя прынамсі прыадкрывае, у чым менавіта Яўгена абвінавачвалі.
Фота: БАЖ
Паводле «Гомельскай праўды», Яўген Меркіс нібыта адпраўляў тэлеграм-каналам звесткі аб перасоўванні вайсковай тэхнікі. Таксама прапагандысты акцэнтуюць увагу, што Яўген працаваў для тэлеканала «Белсат», які ўлады прызналі экстрэмісцкім.
Пасля прызнання ўладамі шэрагу незалежных рэсурсаў экстрэмісцкімі Яўген Меркіс спыніў журналісцкую дзейнасць і займаўся краязнаўствам, працаваў над сваім гістарычным рэсурсам «Наш край». Таксама Яўген Меркіс вядомы як арганізатар шматлікіх культурніцкіх падзей Гомеля, абаронца гістарычнай спадчыны горада.
Сёння Яўгену Меркісу вынеслі прысуд — 4 гады калоніі ўзмоцненага рэжыму.
Чытайце таксама:
Так цяпер выглядае палітзняволены журналіст Яўген Меркіс ФОТА
Асудзілі за пратэсты трох чалавек у Круглым. Сярод іх дзяўчына, якой не давалі лячыцца
Гомельскага бармена Вятошкіна асудзілі на пяць гадоў хатняй хіміі
