Pamior śviatar Stanisłaŭ Łuhoŭski
Jon čverć stahodździa słužyŭ u Biełarusi.
31 maja ŭ Polščy adyšoŭ u viečnaść ksiondz Stanisłaŭ Łuhoŭski SDB, jaki čverć stahodździa nios słužeńnie ŭ Biełarusi, piša catholic.by.
Ksiondz Stanisłaŭ Łuhoŭski SDB byŭ adnym ź pieršych salezijanaŭ u Biełarusi. Pastyrskamu słužeńniu na našaj Baćkaŭščynie jon pryśviaciŭ 25 hadoŭ svajho śviatarstva. Apošnim miescam jaho słužeńnia ŭ našaj krainie była parafija Śviatoha Maćvieja ŭ Raŭbičach (Minska-Mahiloŭskaja archidyjacezija, dekanat Minsk-Uschod), dzie na praciahu čatyroch hadoŭ śviatar vykonvaŭ funkcyju probašča.
U listapadzie 2015 hoda ksiondz Stanisłaŭ Łuhoŭski zaviaršyŭ hetuju misiju i viarnuŭsia na radzimu, u Polšču, dzie praciahvaŭ dušpastyrskuju dziejnaść.
Vierniki parafij, dzie nios słužeńnie ksiondz Stanisłaŭ Łuhoŭski, sabraty salezijanie i inšyja śviatary ŭ Biełarusi zapamiatali jaho jak čałavieka nadzvyčaj dobraha, adkrytaha, ščyraha i addanaha.
