Biełarusa, jaki zapuściŭ u Maskvie bieła-sinija šaryki, zatrymali pa vychadzie sa śpiecpryjomnika
Hałaŭloŭ vychodziŭ sa śpiecpryjomnika pa adbyćci aryštu ŭ 15 sutak, adnak na vychadzie jaho zabrali ludzi ŭ cyvilnym na lehkavoj mašynie.
Fota: Baza
Aryštavanaha za zapusk bieła-sinich šarykaŭ i ściaha Dźmitryja Hałaŭlova paŭtorna zatrymali na vychadzie sa śpiecpryjomnika, jak piša OVD-Infa.
Hałaŭloŭ vychodziŭ sa śpiecpryjomnika pa adbyćci aryštu ŭ 15 sutak, adnak na vychadzie jaho zabrali ludzi ŭ cyvilnym na lehkavoj mašynie. Zatrymanaha pavieźli ŭ AUS Paŭnočnaje Čartanava, pra heta jon sam paviedamiŭ OVD-Infa.
Hałaŭlovu staviać u vinu artykuł ab prapahandzie nacysckaj simvoliki (č. 1 art. 20.3 KaAP). Ź im znachodzicca advakat ad OVD-Infa Julija Kuźniacova.
24-hadovaha hamielčuka Dźmitryja Hałaŭlova i jahonuju 33-hadovuju žonku Juliju zatrymali 22 maja nieŭzabavie paśla taho, jak u niebie nad Maskvoj zaŭvažyli bieła-sinija pavietranyja šaryki, da jakich byŭ prymacavany bieła-błakitna-bieły ściah (simvał rasijskaj apazicyi i antyvajennaha ruchu ŭ RF).
