Kachno budzie viadoŭcam navahodniaj nočy ŭ elitnaj padmaskoŭnaj Barvisie, dzie vystupić Praśniakoŭ
Papularny biełaruski viadoŭca Dźmitryj Kachno paviedamiŭ u instahramie, što budzie vieści navahodniuju noč u Barvisie — elitnym pasiołku ŭ Padmaskoŭi. Siarod artystaŭ, jakija vystupiać tam, zajaŭleny Uładzimir Praśniakoŭ — jon nie tolki adkryta apraŭdvaje vajennuju ahresiju, ale i pieraličvaje častku svaich prybytkaŭ ad kancertaŭ na padtrymku vajny.
Skrynšot storys u instahramie Dźmitryja Kachno
Nie ŭsim padpisčykam heta spadabałasia. U kamientaryjach u Kachno spytali, ci zručna jamu pracavać na akupantaŭ i ci nie soramna. U minuły raz Dźmitryj vyklikaŭ abureńnie biełarusaŭ miesiac tamu, kali razyhryvaŭ siarod padpisčykaŭ bilety na kancert Praśniakova ŭ Minsku. Tady viadoŭca nie staŭ nijak reahavać na niehatyŭnyja kamientaryi.
Na navahodnim šou budzie taksama śpiavačka ANNA ASTI. Z adnaho boku etničnaja ŭkrainka Hanna Dziuba (heta jaje sapraŭdnaje imia) nie vykazvajecca ŭ padtrymku vajny, zatoje havoryć pra luboŭ da radzimy, a ź inšaha — u kastryčniku 2023 hoda artystka pamianiała hramadzianstva i atrymała rasijski pašpart.
Navahodniaja noč, jakuju budzie vieści Dźmitryj Kachno, projdzie ŭ kancertnaj zale «Barvicha Luxury Village». Kvitki kaštujuć ad 50 000 da 200 000 rasijskich rubloŭ (prykładna ad 565 da 2265 dalaraŭ). Heta biez uliku śviatočnaj viačery: za stravy, jakija pryhatuje italjanski šef-kuchar Masima Parente, prapanujuć zapłacić ad 25 000 da 35 000 rasijskich rubloŭ (prykładna ad 283 da 396 dalaraŭ), dziciačaje mieniu abydziecca baćkam u 10 000 rasijskich rubloŭ (kala 113 dalaraŭ).
Nahadajem, što paśla zatrymańnia pa palityčnych matyvach u 2020 hodzie Dźmitryj Kachno faktyčna straciŭ mahčymaść pracavać u Biełarusi, tamu źjechaŭ u Rasiju. Tady jon publična kazaŭ pra toje, što budzie viadoŭcam papularnaha šou «Chałaściak» na telekanale TNT. Ale ambicyjnym płanam pieraškodziŭ karanavirus: pierad samym pačatkam zdymak Dźmitryj zachvareŭ na COVID-19, tamu viadoŭcam šou staŭ inšy čałaviek. U adnym ź intervju Kachno raspaviadaŭ, što z-za hetaha pačatak pracy ŭ novaj krainie byŭ składanym: jamu navat pryjšłosia pierazdavać dla zdymak kino raskošny dom, jaki jon arandavaŭ dla svajoj siamji.
Čytajcie taksama:
Ad Saładuchi da Karža. Što biełaruskija sielebryci pościać padčas vajny i jak pra jaje vykazvajucca
