U Biełarusi +11 novych palitviaźniaŭ
Pravaabaroncy pryznali palitviaźniami niekalki čałaviek.
Heta Uładzimir Marozaŭ, Siarhiej Čyžeŭski, Uładzimir Varašeń, Viktar Novik, Uładzimir Žuromski, Viktar Barkiet, Ihar Fiedarenka, Alaksandr Vituchnoŭski, Siarhiej Bunata, Volha Łocmanava, Andrej Zajkoŭ.
Chto hetyja ludzi i čamu pravaabaroncy ličać ich spravy palityčna matyvavanymi.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ «Viasny», pryznanyja 1391 čałaviek. Prajekt Dissidentby.com kaža pra 1564 palitviaźniaŭ.
Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Čytajcie taksama:
«Hod znachodzicca ŭ poŭnaj izalacyi». Što robicca z Maryjaj Kaleśnikavaj
Palityčnyja represii ŭ Biełarusi vyjšli na płato, i jano budzie zachoŭvacca — sacyjołah Koršunaŭ
