Połk Kalinoŭskaha: «Mikoła» pakul nie zvolnieny, a našy bajcy nie mohuć bałatavacca ŭ Kaardynacyjnuju radu
Połk Kalinoŭskaha vystupiŭ z aficyjnaj zajavaj datyčna «ahulnaha schodu bajcoŭ», jaki inicyjavaŭ Dzianis «Kit» Procharaŭ. Kali praviła pra niaŭdzieł u vybarach u Kaardynacyjnuju radu zachavajecca, to połk daviadziecca pakinuć namieśniku kamandzira Vadzimu Kabančuku.
Z pravaha boku Dzianis «Kit» Procharaŭ. Fota pres-słužby PKK
Siońnia my pisali pra mahčymaje zvalnieńnie z Pałka Kalinoŭskaha Mikoły Dziemidzienki z pazyŭnym «Mikoła». U zajavie pałka heta abviarhajecca.
Zhodna z zajavaj, bajcy PKK — častka Zamiežnaha lehijona HUR Ukrainy, dzie aficyjna pracaŭładkavanyja ŭsie vajary. I nie isnuje pracedury, pa jakoj ahulny schod bajcoŭ moža niekaha zvolnić abo pryniać na pracu. A kiruje pałkom Rada kamandziraŭ, jakuju abirajuć bajcy, ahulny schod ža zrobleny jak instrumient abmienu mierkavańniami.
Pytańnie pa tym, ci budzie «Mikoła» nadalej u pałku, jašče vyrašajecca.
Taksama połk davodzić, što Rada kamandziraŭ niadaŭna pryniała rašeńnie, zhodna ź jakim PKK nie ŭdzielničaje ŭ vybarach u KR. Taksama jana vyrašyła, što ŭsie bajcy, jakija chočuć bałatavacca ŭ KR, musiać pakinuć połk. I ahulny schod nie moža admianić hetaje rašeńnie.
Kali praviła datyčna KR nie budzie admienienaje, to połk daviadziecca pakinuć adnamu z samych viadomych jaho bajcoŭ i namieśniku kamandzira pałka Vadzimu Kabančuku. Jon bałatujecca ŭ KR sa svaim śpisam «Vola».
Da taho ž, u ahulnym schodzie, jaki 22 krasavika inicyjavaŭ Dzianis «Kit» Procharaŭ, paŭdzielničali nie ŭsie bajcy pałka i navat nie bolšaść bajcoŭ. Heta, pa mierkavańni PKK, dadatkova stavić pad sumnieŭ lehitymnaść pryniatych tam rašeńniaŭ.
«Naša Niva» — bastyjon biełaruščyny
PADTRYMAĆČytajcie taksama:
U pałku Kalinoŭskaha niama zhody, kałatnieča idzie adnosna vybaraŭ u Kaardynacyjnuju radu
Ci realna abmianiać biełaruskich palitviaźniaŭ na rasijskich vajennapałonnych? Tłumačyć Kabančuk
