Vystavili na prodaž kala dziasiatka ofisaŭ Bielinviestbanka
Bolš za dziasiatak łotaŭ vystaviła na elektronny aŭkcyjon kampanija «BIELINVIEST-Inžynirynh», jakaja afilavanaja ź Bielinviestbankam, piša Sputnik.
Fota: Myfin.by
Elektronnyja tarhi pavinny adbycca 30 maja. U asnoŭnym pradajucca ofisy Bielinviestbanka, u tym liku ŭ Breście, Minsku, Babrujsku i Oršy. U niekatorych vypadkach heta asobnyja budynki, a ŭ inšych — pamiaškańni ŭ budynkach. Taksama vystaŭlenyja na prodaž krama ŭ Minsku i składskoje pamiaškańnie ŭ Homieli.
Heta nie pieršy vypadak za apošnija niekalki hadoŭ, kali pradajucca ofisy hetaha banka, jaki zakryvaje ich dla aptymizacyi sietki.
Pry hetym ciapier Bielinviestbank bolš nie publikuje svaje spravazdačy, a padaje ich tolki pa piśmovym zapycie ad kampanij i fizičnych asob, jakija źjaŭlajucca klijentami, kontrahientami, akcyjanierami banka, bienieficyjarnymi ŭładalnikami i hetak dalej. Taksama hety bank pierastaŭ raskryvać infarmacyju pra ŭłaśnikaŭ i paviedamlaje tolki pra kolkaść akcyj dy sumu statutnaha fondu.
Čytajcie taksama:
Jak ciapier vyhladaje byłaja staršynia Nacbanka Nadzieja Jermakova FOTA
