Biełarusy dasiahnuli čaćviertaj chvali spažyvieckaj evalucyi
Za apošnija piatnaccać hadoŭ žychary Biełarusi pačali nakiroŭvać na charčavańnie mienšuju dolu spažyvieckich vydatkaŭ, čym raniej.
Za apošnija piatnaccać hadoŭ žychary Biełarusi pačali nakiroŭvać na charčavańnie mienšuju dolu spažyvieckich vydatkaŭ, čym raniej. Jak śćviardžajuć ekśpierty, my ŭžo dasiahnuli čaćviertaj chvali spažyvieckaj evalucyi. Dalej treba imknucca da taho, kab prybytki raśli i na charčavańnie žycharam našaj krainy było dastatkova tracić mienš za 20% svaich resursaŭ i pry hetym bolš vydatkoŭvać na padarožžy, adukacyju, žyllo, aŭtamabili.
Novaja formuła
Raniej žycharka Barysava Taćciana Klimovič razam z mužam raźličvała siamiejny biudžet pa prostaj formule, jakuju padkazała jaje maci: na pramysłovyja tavary možna patracić udvaja mienš, čym na charčavańnie. Peŭny čas heta i sapraŭdy dapamahała racyjanalna rasparadžacca adnosna nievialikim prybytkam. Ale ciapier davodzicca dziejničać inakš. «Dzialu ŭsie hrošy na try prykładna roŭnyja častki: charčavańnie, pramysłovyja tavary i pasłuhi z płaciažami za kredyt», — raskazvaje jana.
I, jak padkreślivajuć ekanamisty, hetaja formuła najbolš adpaviadaje sučasnym umovam. Pavodle vynikaŭ vybaračnaha abśledavańnia chatnich haspadarak, praviedzienaha Biełstatam,
za 1995–2009 hady dola spažyvieckich vydatkaŭ na charčavańnie (u tym likupa-za miežami doma) pamienšyłasia prykładna z 60 da 40%, a na niecharčovyja tavary pavialičyłasia ŭ paŭtara razu — amal što da 35%.
«Heta narmalnaja evalucyja, my dasiahnuli čaćviertaj fazy spažyvieckaj chvali», — tłumačyć kandydat ekanamičnych navuk, kiraŭnik analityčnaha centra «Stratehija» Leanid Zaika.
Na pieršaj chvali my «najelisia», pryzvyčailisia da bahataha vybaru kaŭbas, pra što ŭ Savieckim Sajuzie mnohija mahli tolki maryć. Apielsiny, mandaryny stali dastupnymi nie tolki pad Novy hod. Padčas druhoj chvali dziakujučy namahańniam kitajskich i tureckich vytvorcaŭ, a taksama ŭ peŭnaj stupieni i ajčynnych my abnavili svoj harderob. Na treciaj nabyli televizary, chaładzilniki, inšyja tavary doŭhaha karystańnia. «Ciapier bolš za 90 pracentaŭ siemjaŭ majuć chaładzilniki, a televizaraŭ moža być i pa dva na kožny dom, kvateru», — adznačaje jon.
Ciapier, na čaćviertaj chvali, asnoŭny intares — da aŭtamabilaŭ i žylla. A na charčavańnie i pramysłovyja tavary biełarusy mohuć tracić prykładna adnolkavyja srodki.
Miž tym u najbolš bahatych krainach Jeŭrasajuza bolšaść nasielnictva žyvie ŭžo na piataj chvali. Tam hramadzianam na charčavańnie chapaje 12–17 pracentaŭ ich hrošaj, tamu jany mohuć sabie dazvolić bolš addać na padarožžy, adpačynak, adukacyju.
My taksama pavinnyja da hetaha imknucca.
Kala piaci pracentaŭ žycharoŭ Biełarusi, pa padlikach Leanida Zaiki, užo žyvuć u «piatym vymiareńni». Ale kab takoha ŭzroŭniu žyćcia dasiahnuła bolšaść biełarusaŭ, moža spatrebicca nie adno piacihodździe, a miesiačnyja zarobki pavinnyja skłaści kala 2 tys. dalaraŭ.
Jak aščadzić?
Suśvietny ekanamičny kryzis zapavoliŭ realny pryrost prybytkaŭ žycharoŭ Biełarusi. Tym nie mienš va ŭradzie
Struktura spažyvieckich vydatkaŭ, jak prahnazujuć ekśpierty, u nas i nadalej budzie źmianiacca. I sami hramadzianie mohuć paskoryć hety praces.
Naprykład, kožny moža pravieści ŭłasnaje markietynhavaje daśledavańnie: abyści najbližejšyja praduktovyja kramy i vyznačyć, dzie vyhadniej kuplać. Kankurencyja pamiž handlovymi sietkami raście, tamu jany musiać pryvablivać pakupnikoŭ źnižkami i jakasnymi tavarami.
Niekatoryja rajać čaściej apranacca ŭ
Jość i jašče adzin prosty sposab aščadzić. Nie palanujciesia na praciahu miesiaca mietadyčna zanatoŭvać, na što i kolki vy patracili hrošaj. Kali potym usio padličycie, to možacie być upeŭnienyja, što abaviazkova znojdziecie tyja vydatki, jakija možna źmienšyć.
A jak u ich
Aščadžajuć na ježy i adzieńni, ale nie na aŭto.
Amierykancy admaŭlajucca ad ranišniaj kavy, italjancy — ad novaha adzieńnia, francuzy ad restaranaŭ, a rasijcy — ad darahich pakupak.
Tak žychary roznych kutkoŭ płaniety adkarektavali svaje vydatki z ulikam suśvietnaha ekanamičnaha kryzisu. Jak śviedčać dadzienyja daśledavańnia, praviedzienaha ŭ vaśmi krainach Jeŭrasajuza i Rasii, najbolš aktyŭna ich žychary pačali aščadžać za košt nabyćcia bolš tannych praduktaŭ charčavańnia, abutku i adzieńnia, admovy ad častaha naviedvańnia restaranaŭ. Najmienš achvotna jany pahadzilisia skaracić svaje vydatki, naprykład, šlacham pamianšeńnia spažyvańnia pasłuh suviazi, admovy ad strachavańnia i abmiežavańnia pajezdak na pryvatnym aŭtamabili.
Amierykancy stali bolš achvotna nabyvać adnosna niedarahija tavary małaviadomych handlovych marak, prynosić na pracu abied z domu, a taksama radziej karystacca pasłuhami cyrulnikaŭ i stylistaŭ.
