Kampanija IHS iSuppli padviała papiarednija vyniki raźvićcia rynku sotavych aparataŭ u 2012 hodzie. Pavodle acenak, prodažy mabilnych telefonaŭ i smartfonaŭ u 2012-m vyrastuć u adnosinach da minułaha hoda tolki na 1%. Pry hetym popyt na kamunikatary padskočyć na 35,5%.
Upieršyniu za čatyrnaccać hadoŭ Nokia sastupić lidarstva ŭ suśvietnym rejtynhu vytvorcaŭ sotavych "trubak": dola kampanii składzie 24% suprać letašnich 30%.
Na pieršaje miesca vyrviecca Samsung z 29% hłabalnaha rynku. Hod tamu karejcy mieli 24%.
Na trecim miescy apyniecca Apple, čyja dola za hod pavialičycca z 7 da 10%.
Dalej u rejtynhu IHS iSuppli iduć ZTE i LG z 6 i 4% adpaviedna. Hod nazad kampanii zajmali pa 6% rynka.
U siehmiencie smartfonaŭ lidarstva taksama naležyć Samsung, što pavialičyŭ na praciahu hoda dolu z 20 da 28%.Kampanija Apple, jakaja znachodzicca na druhim miescy, umacavała pazicyi z 19 da 20%. Nokia, jakaja zamykaje trojku, imkliva hublaje pakupnikoŭ: dola źniziłasia z 16 da 5%. Dalej iduć HTC i RIM z 5% rynku kamunikataraŭ suprać 9 i 11% hodam tamu.
0
0
0
0
0
0