Najłpšaj lohkaatletkaj Biełarusi 2012 hoda pryznana biahucha Alina Tałaj. Takoje rašeńnie pryniali vykankam Biełaruskaj fiederacyi lohkaj atletyki i trenierskaja rada nacyjanalnaj kamandy, jakija taksama vyznačyli i najlepšych trenieraŭ 2012 hoda.
U hetym hodzie 23-hadovaja aršanskaja spartsmienka stała ŭładalnicaj bronzavaha miedala ŭ biehu na 60 m z barjerami (vynik -- 7,97 siek.) na čempijanacie śvietu ŭ zakrytych pamiaškańniach u Stambule, a taksama zavajavała siarebrany miedal u biehu na 100 m z barjerami (12,91 siek.) na čempijanacie Jeŭropy ŭ Chielsinki. Akramia taho, uradženka Oršy vyjšła ŭ paŭfinał biehu na 100 m z barjerami na Alimpijskich hulniach-2012 u Łondanie, pakazaŭšy vynik 12,84 siek. U kvalifikacyi łondanskich hulniaŭ Alina Tałaj ustanaviła asabisty rekord - 12,71 siek.
Najlepšym spartsmienam u hrupie reziervu nazvany čempijon śvietu siarod junijoraŭ u skačkach u vyšyniu Andrej Čuryła z Bresta.
Siarod trenieraŭ pa rabocie z asnoŭnym składam najlepšym staŭ nastaŭnik Aliny Tałaj Viktar Miaśnikoŭ, a jaho kaleha Valancin Kurdziuk, jaki treniruje Andreja Čuryłu, pryznany najlepšym pa rabocie z hrupaj reziervu.
