Namieśnik premjer-ministra Biełarusi Piotr Prakapovič pryznačany pradstaŭnikom ŭrada dla ŭdziełu ŭ pasiadžeńniach praŭleńnia Nacyjanalnaha banka zamiest byłoha vice-premjera Siarhieja Rumasa.Takoje rašeńnie źmiaščajecca ŭ pastanovie Savieta Ministraŭ №104 ad 12 lutaha 2013 hoda, paviedamili ŭ pres-słužbie biełaruskaha ŭrada.
Straciŭšaj siłu pryznana pastanova Savieta Ministraŭ №543 ad 8 červienia 2012 hoda "Ab pryznačeńni S.Rumasa pradstaŭnikom Urada Respubliki Biełaruś dla ŭdziełu ŭ pasiadžeńniach Praŭleńnia Nacyjanalnaha banka". Zaraz Rumas źjaŭlajecca staršynioj praŭleńnia Banka raźvićcia Biełarusi.
Zhodna z Bankaŭskim kodeksam Biełarusi praŭleńnie Nacbanka vyznačana adzinym kalehijalnym orhanam kiravańnia centrabanka, jaki farmujecca vyklučna ź liku pradstaŭnikoŭ hetaha banka. Razam z tym praduhledžana, što staršynia praŭleńnia Nacyjanalnaha banka (abo pa jaho daručeńni adzin ź jaho namieśnikaŭ) moža ŭdzielničać u pasiadžeńniach Prezidyuma Savieta Ministraŭ z pravam daradčaha hołasu. Anałahičnaje prava ŭdzielničać u pasiadžeńniach praŭleńnia Nacbanka z pravam daradčaha hołasu pradastaŭlena pradstaŭniku ŭrada Biełarusi.
