Pamior piśmieńnik Frydrych Niaznanski — uradženiec Biełarusi

U Niamieččynie va ŭzroście 80 hadoŭ pamior piśmieńnik i publicyst Frydrych Niaznanski.

Frydrych Niaznanski naradziŭsia 27 vieraśnia 1932 h. u Žuravičach Rahačoŭskaha rajona Homielskaj vobłaści. Siaredniuju škołu skončyŭ u Maskvie. Pavodle adukacyi jon Byŭ jurystam: u 1950–1954 hadach vučyŭsia ŭ Maskoŭskim jurydyčnym instytucie. U 1960-ch jon pačaŭ publikavać apaviadańni, fieljetony i artykuły ŭ hazietach «Komsomolskaja pravda» i «Trud».

U 1977 hodzie piśmieńnik źjechaŭ z Savieckaha Sajuza i da 1985 hoda žyŭ u ZŠA.

U Amierycy Niaznanski napisaŭ piać manahrafij, pracavaŭ na radyjo «Svaboda», supracoŭničaŭ z emihranckimi hazietami. U 1985 hodzie jon pierajechaŭ u Hiermaniju.

Viadomaść Frydrychu Niaznanskamu, aŭtaru detektyvaŭ «Marš Tureckaha» i «Spadar advakat», prynieśli hałoŭnym čynam ramany «Žurnalist dla Brežnieva» (1981) i «Krasnaja płošča» (1983), napisanyja sumiesna z Eduardam Topalem.

Jaho tvory byli pierakładzieny bolš čym na 10 moŭ i stała bestseleram u mnohich krainach. U Rasii Niaznanskaha stali publikavać u 1990-ch.

Pavodle detektyvaŭ Frydrycha Niaznanskaha źniali film «Čorny kvadrat» (1992), telesieryjały «Marš Tureckaha» (2002) i «Krasnaja płošča» (2004).

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH