Siońnia ad ranicy vychad sa stancyi mietro «Płošča Pieramohi» ŭ bok vulicy Zacharava i Kisialova zakryty. Chodniki na praśpiekcie Niezaležnaści taksama aharodžanyja. Ludziej u bok płoščy Pieramohi prapuskajuć praz ramki mietałašukalnikaŭ, pryčym vybaračna.
U rajonie płoščy Pieramohi dziažurać milicyjanty, śpiecnaz i pradstaŭniki śpiecsłužbaŭ u cyvilnym. Na prośbu karespandenta «NN» patłumačyć, što za mierapryjemstva budzie na płoščy i čamu vychad ź mietro pierakryty, dziažurny milicyjant adkazaŭ: «Nie viedaju». U pres-słužbie Łukašenki paviedamili, što «prezident musić uskładać kvietki da pomnika Pieramohi».
Adnak u pres-słužbie nie viedajuć, jaki prezident. Ci to heta budzie prezident Łaosa Ciumali Sajansan ci vieniesuelski lidar Nikałas Madura — abodva jany ŭ dadzieny momant znachodzicca ź vizitam u Biełarusi. Ściahi na praśpiekcie visiać i łaosskija, i vieniesuelskija.
Pradstaŭnik pres-słužby, jaki pradstaviŭsia «techničnym supracoŭnikam», paraiŭ čakać aficyjnaha paviedamleńnia.
KCH
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
