Pra heta BiełaPAN paviedamiŭ
Nahadajem, 5 žniŭnia aŭtamabil «Tajota» ź minskimi rehistracyjnymi numarami ŭrezaŭsia ŭ darožnuju aharodžu ŭ rajonie nasielenaha punkta Nova Vieś u Polščy. Pavodle papiarednich źviestak, vadziciel «Tajoty» sprabavaŭ paźbiehnuć sutyknieńnia z hruzavym aŭtamabilem. Vadziciela 1981 hoda naradžeńnia dastavili ŭ balnicu Čanstachova ź pierałomam nahi, jaho žonku 1985 hoda naradžeńnia špitalizavali ŭ inšuju balnicu hetaha ž horada, dzie 5 žniŭnia joj zrabili apieracyju. Ich dačku 2009 hoda naradžeńnia dastavili viertalotam u dziciačy centr u Katavice, dzie ŭ suviazi ź ciažkim stanam miedyki ŭviali dziaŭčynku ŭ farmakałahičnuju komu.
Pavodle słoŭ Zielanko, u kancy minułaha tydnia dziaŭčynku vyvieli z komy, ciapier dzicia znachodzicca ŭ chirurhičnym adździaleńni. «Jana aprytomnieła, uračy nazirajuć za jaje stanam i buduć prymać rašeńnie ab dalejšym lačeńni», — skazaŭ pradstaŭnik pasolstva.
Jon paviedamiŭ, što da dziaŭčynki pryjechali babula i dziadula ź Biełarusi, jany taksama naviedvajuć jaje baćkoŭ u Čanstachovie. Maci dziaŭčynki zastaniecca ŭ balnicy minimum da kanca tydnia. «Jaje stan pastupova narmalizujecca, ale žančyna pavinna być pad nazirańniem uračoŭ», — rastłumačyŭ Zielanko.
Tym časam polskaja palicyja praciahvaje pošuki vadziciela hruzavika, ad jakoha, jak miarkujecca, sprabavaŭ uchilicca aŭtamabil ź biełaruskaj siamjoj.
