Hetuju infarmacyju paćvierdzili ŭ «Minsktransie».
«U našu kampietencyju nie ŭvachodzić pytańnie pavyšeńnia taryfaŭ. Ciapier dakumient znachodzicca na razhladzie ŭ Minekanomiki. Kali jon budzie padpisany tam i projdzie Miniust, prajezd u Minsku ŭzraście da 2500 rubloŭ za adnu pajezdku», — paviedamiła namieśnik dyrektara pradpryjemstva Iryna Jakuboŭskaja.
Jana vykazała nadzieju, što dakumient paśpieje prajści ŭzhadnieńnie da kanca miesiaca, i z 1 kastryčnika ŭ stalicy budzie ŭstanoŭleny novy košt prajezdu. Asnoŭnaja pryčyna źmieny taryfaŭ — rost koštaŭ na paliva.
«Paliva padaražeła na 10%, — dadała Iryna Uładzimiraŭna. — Tut, sami razumiejecie, abo vieźci, ci nie vieźci».
Apošni raz prajezd u stalicy daražeŭ 25 maja na 17,5% — da 2 tysiač rubloŭ. Na toj momant pavyšać taryfy na prajezd u hramadskim transparcie Minska da kanca hoda nie płanavałasia.
