Ukrainski ahrachołdynh «KSG Agro» abviarhaje infarmacyju kitajskich ŚMI ab prodažy pavodle arendy Padniabiesnaj 3 miljonaŭ hiektaraŭ ukrainskich sielhasuhodździaŭ na 50 hadoŭ.
Pra heta paviedamlaje pres-słužba ahrachołdynha KSG Agro SA.
«Kampanija nie maje namieru i nie maje prava pradavać ziamlu zamiežnikam, u tym liku i kitajcam», — havorycca ŭ paviedamleńni.
Kampanija adznačaje, što 31 maja 2013 ahrachołdynh KSG Agro padpisaŭ pratakoł ab namierach z kitajskim bokam.
«U hetym pratakole havorycca ab supracoŭnictvie kitajskich karparacyj z KSG Agro na płoščach, jakija znachodziacca ŭ apracoŭcy chołdynhu. A mienavita ŭ halinach pavyšeńnia efiektyŭnaści, ustanoŭki sistem kropielnaha arašeńnia i prymianieńnia sučasnych ahratechnałohij», — paviedamlaje pres-słužba.
Jak adznačajuć u kampanii, na dadzieny momant KSG Agro i kitajski bok pracujuć nad kantraktam ab supracoŭnictvie ŭ prajekcie ŭstanoŭki sistem kropielnaha arašeńnia na płoščy 3 tysiač ha ŭ 2014 hodzie.
Raniej ŚMI sa spasyłkaj na kitajskuju hazietu South China Morning Post paviedamlali, što Kitaj płanuje arandavać va Ukrainie kala 3 młn hiektaraŭ sielhasuhodździaŭ terminam na 50 hadoŭ.
