Navukoŭcy z univiersiteta Makierere va Uhandzie ličać, što ŭ racyjonie charčavańnia sučasnych ludziej nie chapaje cynku.
Jaho deficyt ŭpłyvaje na toje, što kolkaść skarhaŭ na šlubny seks, ź jakimi źviartajucca da lekaraŭ, — stabilna raście, a prablemy ŭ łožku abmiarkoŭvaje ŭsio bolš ludziej usich uzrostaŭ.
Niedachop cynku spryjaje źnižeńniu mužčynskaha pałavoha harmona testasterona. U takoj situacyi mužčyna čaściej skardzicca na stomlenaść, jaho libida źnižajecca.
Na adnosinach pamiž partniorami heta adbivajecca, jak praviła, vielmi niehatyŭna. Uhandyjskija ekśpierty rajać mužčynam sačyć za tym, što jany jaduć i čaściej ŭklučać u svajo mieniu charčovyja pradukty, bahatyja cynkam.
Da takich praduktaŭ adnosiacca votrubje, prarosłyja ziarniaty pšanicy, nasieńnie harbuza, hryby, vustrycy, jałavičyna, śvinina, kurynaje miasa, subpradukty, račnaja ryba, babovyja i h.d.
Ich užyvańnie pavyšaje ŭzrovień pałavych harmonaŭ i nastroj, aktyvizuje kryvaciok i vytvorčaść śpiermy ŭ mužčynskim arhaniźmie.
Mužčyny, jakija viaduć aktyŭny ład žyćcia, prytrymlivajucca zdarovaj dyjety i sočać za svajoj vahoj, mohuć zabiaśpiečyć sabie ŭstojlivuju erekcyju až samaha stałaha ŭzrostu, pierakananyja miedyki.
