Zatrymanyja siońnia ŭ Minsku Pavieł Vinahradaŭ i jaho baćka dastaŭleny ŭ sud Savieckaha rajona stalicy.
Jak paviedamiła BiełaPAN žonka aktyvista Śviatłana Vinahradava, u dačynieńni da ich składzieny pratakoły pa artykule 23.34 KoAP (parušeńnie paradku arhanizacyi ci praviadzieńnia masavaha mierapryjemstva abo pikietavańnia).
Lidar «Zmieny» — maładziožnaha kryła hramadzianskaj kampanii «Havary praŭdu!» — byŭ zatrymany siońnia pryblizna apoŭdni supracoŭnikami milicyi kala padjezda svajho doma. Pavodle słoŭ Śviatłany Vinahradavaj, Pavieł viartaŭsia z akcyi, jakuju aktyvisty «Zmieny» praviali na płoščy Jakuba Kołasa.
Udzielniki akcyi rasstavili na łaŭkach śvinyja hałovy z płakatami, jakija zaklikali vyzvalić palitźniavolenych, padniać zarpłaty ŭračam, nie ŭvodzić vyjaznuju pošlinu i inšymi.
Vinahradava dastavili spačatku ŭ Maskoŭskaje RUUS (pa miescy žycharstva), a zatym pieravieźli ŭ Saviecki rajon, na terytoryi jakoha pravodziłasia akcyja. Razam z Paŭłam byŭ zatrymany jaho baćka, jaki, jak paviedamiła Śviatłana Vinahradava, «apynuŭsia pobač zusim vypadkova».
