Vałavy ŭnutrany pradukt u Biełarusi ŭ studzieni—vieraśni 2013 hoda vyras na 1,1% i skłaŭ 452,1 trłn. rubloŭ, paviedamili ŭ Nacyjanalnym statystyčnym kamitecie.
Pry hetym hadavy prahnoz rostu VUP składaje 8,5%. Vytvorčaść pramysłovaj pradukcyi ŭ studzieni—vieraśni 2013 hoda źniziłasia na 4,6% da 453,7 trłn. rubloŭ. Zapasy hatovaj pradukcyi skłali 28,1 młrd. rubloŭ, ci 70,6% da siaredniamiesiačnaha abjomu pramvytvorčaści (letašni pakazčyk — 54,1%). Udzielnaja vaha inavacyjnaj pradukcyi ŭ ahulnym abjomie adhružanaj pradukcyi skłała 18%.
Vypusk sielhaspradukcyi haspadarkami ŭsich katehoryj źniziŭsia na 2,2% da 76,1 trłn. rubloŭ, sielhasarhanizacyjami — na 2,1% da 59 trłn. rubloŭ.
Inviestycyi ŭ asnoŭny kapitał vyraśli na 9,3% da 142,6 trłn. rubloŭ. Uviedziena ŭ ekspłuatacyju 3 młn. 747,6 tys. kv. mietraŭ žylla (na 9,8% bolš za letašni pakazčyk).
Abjom pieravozki hruzaŭ transpartam pamienšyŭsia na 5,2% da 330,7 młn. ton, roźničny tavaraabarot vyras na 18,6% i skłaŭ 193,1 trłn. rubloŭ.
Spažyvieckija ceny ŭ vieraśni ŭ adnosinach da žniŭnia vyraśli na 1,7%, z pačatku hoda — na 10%, ceny vytvorcaŭ pramysłovaj pradukcyi pavialičylisia na 0,2 i 6,3% adpaviedna.
