Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 3 lutaha padčas videabryfinhu.
«Na hetym tydni nadvorje kardynalna pamianiajecca. U Biełarusi zaviaršyŭsia pieryjad mocnych marazoŭ. Uładu nad nadvorjem voźmie Atłantyka, i da nas pačnie pastupać bolš ciopłaje i vilhotnaje pavietra. Zima pastupova vierniecca da miakkaha varyjantu, nadvorje stanie vilhotnym i słotnym», — skazaŭ Rabaŭ.
Pavodle jaho słoŭ, pieršuju pałovu tydnia nadvorje budzie vyznačać vobłaść pavyšanaha atmaśfiernaha cisku, čakajecca pieravažna biez apadkaŭ. Nočču i ranicaj miescami słaby tuman. Na asobnych učastkach daroh hałalodzica.
U aŭtorak tempieratura pavietra minimalnaja nočču minus 8—15°S, pry prajaśnieńniach pa paŭdniovym uschodzie minus 16— 20°S, maksimalnaja dniom minus 2—8°S.
U sieradu tempieratura pavietra minimalnaja nočču minus 7—13°S, pa ŭschodzie pry prajaśnieńniach da minus 16°S; maksimalnaja dniom minus 1—7°S, u krajnich paŭdniova-zachodnich rajonach kala 0°S.
U čaćvier bieź istotnych apadkaŭ, dniom miescami pa paŭdniovym zachadzie respubliki karotkačasovyja apadki (hałoŭnym čynam mokry śnieh), słaby hałalod. Na asobnych učastkach daroh hałalodzica. Tempieratura pavietra minimalnaja nočču minus 4— 10°S, pa ŭschodzie da minus 12°S; maksimalnaja dniom 0 — minus 5°S, pa paŭdniovym zachadzie respubliki plus 1—3°S.
«Napieradzie dalejšaje paciapleńnie, jakoje stanie vizitnaj kartkaj druhoj pałovy tydnia. Iznoŭ ustalujecca zachodni pieranos pavietranych mas i na ŭschod nakirujecca ciopłaje pavietra z Atłantyki», — skazaŭ sinoptyk.
U piatnicu tempieratura pavietra minimalnaja nočču minus 3—9°S, pa paŭdniovym zachadzie 0 — minus 2°S; maksimalnaja dniom ad minus 3°S pa paŭnočnym uschodzie da plus 3°S pa paŭdniovym zachadzie. Nočču na bolšaj častcy, dniom miescami apadki (śnieh, mokry śnieh, pa paŭdniovym zachadzie z daždžom). U asobnych rajonach tuman, hałalod, na darohach hałalodzica.
Na vychadnyja aktyŭnyja atmaśfiernyja franty z zachodniaj Jeŭropy pryniasuć u mnohija rajony Biełarusi apadki (mokry śnieh, doždž). Miescami zhuściejuć tumany, mahčymy hałalod, na darohach hałalodzica. Viecier paŭdniova-zachodni ŭmierany. Tempieratura pavietra minimalnaja nočču ad minus 7°S pa paŭnočnym uschodzie da plus 2°S pa paŭdniovym zachadzie krainy, maksimalnaja dniom minus 2 — plus 4°S.
