U finał spabornictvaŭ pa frystajle prabilisia try biełarusy. Adnak Dzianisu Osipavu pakul rana zmahacca za vysokija miescy. Dziaviataja pazicyja – heta pakul maksimum na jaki zdolny chłopiec.
Kali adabrałasia vaśmiorka macniejšych, to vybyŭ Dźmitryj Daščynski. Naš vieteran vykanaŭ niakiepski skačok, ale pryziamliŭsia tolki adnoj łyžaj. U supierfinał vyjšła tolki čaćviora spartsmienaŭ. Dva kitajcy, biełarus i aŭstalijec.
U Antona Kušnira byŭ treci vynik. U finalnaj sprobie jon zajaviŭ miehaciažkuju sprobu. Z kaeficyjentam 5,000. I vykanaŭ svaju sprobu bliskuča. Trajnoje salta ź piaćciu vintami. Sudździ nie paskvapilisia na adznaki – 134,50!!!
Kitajcy, što skakali śledam za biełarusam, mahčyma, prosta pierahareli. Abodva pryziamlilisia na śpinu.
Heta ŭžo piataje zołata Biełarusi ŭ Sočy. I šosty miedal.
- Anton Kušnir (Biełaruś) – 134.50
- Devid Morys (Aŭstralija) – 110.41
- Zońjań Czia (Kitaj) - 95.06