Pra heta paviedamlaje departamient vieterynarnaha i charčovaha nahladu Minsielhascharča.
«Z 20 lutaha ŭvodziacca časovyja abmiežavańni na ŭvoz i tranzit pa terytoryi Biełarusi z Polščy žyvych śviniej, śvininy, u tym liku ad dzikoŭ, praduktaŭ pierapracoŭki, skuranoj, rohakapytnaj i kišačnaj syraviny, ščacińnia, palaŭničych trafiejaŭ, atrymanych ad adčuvalnych vidaŭ žyvioł, karmoŭ i karmavych dabavak dla žyvioł raślinnaha i žyviolnaha pachodžańnia, u tym liku z ptuški i ryby, karmavych dabavak dla katoŭ i sabak, a taksama hatovych karmoŭ dla ich, jakija nie prajšli termičnuju apracoŭku, vyrablenych z syraviny, taho, što pachodzić z Polskaj Respubliki, karystanaha abstalavańnia dla ŭtrymańnia, zaboju i raźbirańnia śviniej», — paviedamili ŭ departamiencie.
Minsielhascharč taksama daručyŭ arhanizavać pracu pa niedapuščeńni ŭvozu z Polščy ŭ ručnoj pakłažy, bahažy i paštovych adpraŭleńniach dla asabistaha karystańnia fizičnymi asobami śvininy (u tym liku ad dzika) i praduktaŭ jaje pierapracoŭki, a taksama ŭsich vyšejpieraličanych praduktaŭ.
