Fota Śledčaha kamiteta.
Śledčym kamitetam sumiesna z Departamientam finansavych rasśledavańniaŭ KDK spyniena dziejnaść złačynnaj hrupy, jakaja čatyry hady viała niezakonnuju pradprymalnickuju dziejnaść. Pasłuhami hrupy karystalisia słužbovyja asoby pradpryjemstvaŭ realnaha siektara ekanomiki.
Jak paviedamili ŭ Śledčym kamitecie, ustanoŭlena, što hrupa hramadzian u Minsku dziejničała ad imia bolš čym 70 padkantrolnych im iłžepradprymalnickich strutktur. Vykarystoŭvalisia ich rekvizity, piačatki, błanki pieršasnych ulikovych dakumientaŭ, biahučyja i kart-rachunki niekalkich dziasiatkaŭ fizičnych asobaŭ dla pradprymalnickaj dziejnaści biez rehistracyi.
«Dziejnaść zaklučałasia ŭ praviadzieńni dla realnaha siektara ekanomiki finansavych apieracyj pa abmienie bieznajaŭnych hrašovych srodkaŭ na najaŭnyja hrašovyja srodki i naadvarot, z afarmleńniem i pradstaŭleńniem fiktyŭnych buchhałtarskich dakumientaŭ dla nadańnia lehalnaści dadzienym apieracyjam,
— adznačyli ŭ Śledčym kamitecie.
Zatrymany try aktyŭnyja ŭdzielniki złačynnaj hrupy. U adnosinach da ich rasśledujecca kryminalnaja sprava za niezakonnuju pradprymalnickuju dziejnaść.
DFR KDK zaviedzieny kryminalnyja spravy ŭ adnosinach da 12 słužbovych asobaŭ dziesiaci pradpryjemstvaŭ realnaha siektara ekanomiki, jakija byli klijentami łžepradprymalnickich struktur. Ich vinavaciać va ŭchileńni ad spłaty padatkaŭ.
Ahulnaja suma škody dziaržavie na siońnia składaje 6 miljardaŭ rubloŭ.
Praviedziena bolš za 70 pieratrusaŭ u Minsku, Minskaj, Homielskaj i Hrodzienskaj abłaściach. Nakładzieny aryšt na majomaść i hrošy fihurantaŭ kryminalnych spraŭ na 340 tysiač dalaraŭ. Aryštavanyja taksama 12 darahich aŭto na 2,55 miljarda rubloŭ.
