Miascovyja žychary ŭ pasiołku Mielijaracyjnaje Navamaskoŭskaha rajona razam z «svabodaŭcami» i aktyvistami «Baćkaŭščyny» zabłakavali adpraŭku ciahnika z bajcami 25 asobnaj Dnieprapiatroŭskaj pavietrana-desantnaj bryhady ŭ Kijeŭ.
Ab hetym karespandentu Ukrinform paviedamili ŭ pres-słužbie Dnieprapiatroŭskaj abłasnoj arhanizacyi partyi «Baćkaŭščyna».
«U pasažyrskich vahonach znachodziacca kala 500 desantnikaŭ u poŭnaj amunicyi z aŭtamatami. Vajennasłužačych padvoziać u supravadžeńni DAI i milicyi. My zabłakavali puci i nie dajom ciahniku źjechać», — paviedamiŭ staršynia Navamaskoŭskaj arhanizacyi «Baćkaŭščyny» Alaksandr Kačatkoŭ.
Pavodle jaho słoŭ, kala dziesiaci čałaviek prosta lehli na puci.
Jon taksama paćvierdziŭ, što DTZ, u vyniku jakoha troje vajskoŭcaŭ zahinuli i vosiem traŭmavanyja, adbyłosia z vajskoŭcami, jakich vieźli na hety ciahnik.