U Biełarusi ŭpieršyniu vyjšaŭ fotaalbom, u jakim pradstaŭleny zvyš 190 partretaŭ udzielnikaŭ paŭstańnia 1863 hoda.
Jon prymierkavany da 150-hodździa paŭstańnia Kalinoŭskaha.
Składalniki knihi — archivist i tekstołah Jazep Januškievič, a taksama jaho dačka Kamiła, mahistrantka Biełaruskaj dziaržaŭnaj akademii mastactva.
Jany vydali albom ŭ Rakavie ŭłasnym koštam. Dla pošuku fotazdymkaŭ składalniki pracavali ŭ ŭ archivach i biblijatekach Biełarusi, Litvy, Polščy, a taksama pryvatnych zborach. Niekatoryja fota kłasičnyja — partrety Vincenta Dunina-Marcinkieviča, Valeryja Urubleŭskaha abo Kastusia Kalinoŭskaha.
Inšyja znachodki (naprykład, patryjatyčny asiarodak vakoł časopisa «Slowo» u Pieciarburhu — zdymak datavany 1860 — pačatkam 1862 hoda) drukujucca ŭpieršyniu.
Aŭtary płanujuć praciah vydańnia. Pavodle ich słovaŭ, niedaśledavanymi zastajucca archivy Vołahdy i Irkucka, Maskvy i Sankt-Pieciarburha, Paryža i Łondana — usiudy, dzie žyli abo znajšli viečny spačyn udzielniki paŭstańnia.
Kniha jość u «Akademknizie», kniharni «Łohvinaŭ», u niezaležnych kniharoŭ.
