Biełaruskija navukoŭcy raspracavali materyjał, pa tryvałaści paraŭnalny z prakatnaj stallu. Pra heta siońnia žurnalistam paviedamiŭ dyrektar dziaržaŭnaj navukovaj ustanovy «Instytut paraškovaj mietałurhii», člen-karespandent Nacyjanalnaj akademii navuk Biełarusi Alaksandr Iljuščanka.
Instytut paraškovaj mietałurhii pracuje ŭ halinie stvareńnia novaha ałmaznaha instrumienta, a taksama nad raspracoŭkaj novych paraškovych materyjałaŭ z vysokaj ščylnaściu i tryvałaściu. Adna z apošnich raspracovak — vysakaščylny paraškovy materyjał sa ščylnaściu na ŭzroŭni 7,65 h/sm3.
«Dadzienaja ščylnaść nabližajecca da prakatnych stalaŭ, a značyć, tryvałaść vyrabaŭ z hetaha materyjału znachodzicca na adpaviednym uzroŭni. Za košt hetaha možna zekanomić srodki na vytvorčaści vysokatryvałych vyrabaŭ dla aŭtatraktarnaj pramysłovaści», — skazaŭ Alaksandr Iljuščanka.
Jon taksama adznačyŭ, što ŭ instytucie adnačasova vykonvajucca daśledavańni jak minimum pa 30 navukova-daśledčych prajektach. Kožnyja dva hady prajekty zaviaršajucca i pierachodziać u pramyja haspadarčyja dahavory, kantrakty abo prajekty dziaržaŭnych navukova-techničnych prahram, i ažyćciaŭlajecca šyrokaje pramysłovaje asvajeńnie.
