Prezident Rasii Uładzimir Pucin i kancler FRH Anhieła Mierkiel praciahnuli abmierkavańnie ŭkrainskaha kryzisu.
Surazmoŭcy adznačyli važnaść pryniaćcia efiektyŭnych mižnarodnych mier, pierš za ŭsio pa linii ABSIE, nakiravanych na źnižeńnie napružanaści na Ukrainie. Pra heta havorycca ŭ paviedamleńni, apublikavanym ŭ niadzielu, 4 maja, na sajcie Kramla.
Mierkiel vykazała zadavalnieńnie akazanym rasijskim bokam sadziejańniem u vyzvaleńni zatrymanych u Danieckaj vobłaści vajennych naziralnikaŭ z šerahu jeŭrapiejskich krain, u tym liku Hiermanii. Pucin padkreśliŭ nieabchodnaść naładžvańnia pramoha dyjałohu pamiž ciapierašnimi ŭładami ŭ Kijevie i pradstaŭnikami paŭdniova-ŭschodnich rehijonaŭ krainy.
Lidary Rasii i FRH abmianialisia taksama dumkami pa pytańniach zabieśpiačeńnia pastavak i tranzitu rasijskaha hazu z ulikam vynikaŭ praviedzienych na dniach u Varšavie kansultacyj z udziełam Rasii, ES i Ukrainy pa hetaj tematycy.