Jeŭraparłamientaryj ad Łatvii Taćciana Ždanok, jakaja pradstaŭlaje ruskamoŭnych krainy, vystupiła z prapanovaj pryraŭniać ukrainskuju arhanizacyju «Pravy siektar» da terarystaŭ. Pra heta ITAR-TASS paviedamili ŭ sieradu, 7 maja, u biuro jeŭraparłamientaryja.
«Zvyčajnaj zabarony dziejnaści tut niedastatkova — nieabchodny razhrom hetaj ekstremisckaj arhanizacyi z razzbrajeńniem jaje bajevikoŭ, aryštam aktyvistaŭ i sudom nad imi», — zajaviła jana.
Deputat padkreśliła, što Jeŭraparłamient i Jeŭrakamisija abaviazanyja dać adnaznačny sihnał novaj ukrainskaj uładzie, što simpatyi da fašystaŭ niedarečnyja, a ŭzbrojenyja pravyja ekstremisty pavinny być abvieščanyja pa-za zakonam. «Upeŭnienaja, što biez takoha kroku nie moža być adkrytaja daroha da palityčnaha ŭrehulavańnia supiarečnaściaŭ siońniašniaj Ukrainy», — dadała Ždanok.
Śpiecsłužby Łatvii raniej źviartali ŭvahu na suviazi Taćciany Ždanok z Rasijaj.
«Pravy siektar» — heta pravaja nacyjanalistyčnaja partyja va Ukrainie. Jana paŭstała jak kaalicyja pravych inicyjatyvaŭ, jakaja adyhrała vyklučnuju rolu ŭ pieramozie Majdanu, bo jaje siabry byli hatovyja da siłavoha supraćstajańnia z najmitami Janukoviča.
